O Grupo de Investigación “Estudos Clásicos e Medievais” da USC ( GI-1908) está formado por investigadores dedicados ao estudo dos textos gregos e latinos no Departamento de Filoloxía Clásica, Francesa e Italiana na Universidade de Santiago (nos seus campus de Santiago de Compostela e Lugo).
Desde 2015 é un Grupo de Referencia Competitiva recoñecido pola Xunta de Galicia. Esta web pretende servir de comunicación dos resultados de investigación, de espazo de presentación de actividades e de vía de relación entre investigadores.
Novas
A profesora Cabrillana, nomeada membro do International Committee on Latin Linguistics
A profesora Concepción Cabrillana, catedrática de Filoloxía Latina, acaba de ser nomeada membro do International Committee on Latin Linguistics. O anuncio fíxose público na sesión de clausura do 21st Internatinal Colloquium on Latin Linguistics, celebrado na Facultade de Filoloxía da USC entre o 30 de maio ao 3 de xuño deste ano e organizado pola profesora Cabrillana.
O Comité está constituído por 12 membros pertencentes ás Universidades de Ámsterdam, Bolonia, Innsbruck, Hebrea de Xerusalén, As Palmas de Gran Canaria, Lieja, Paris-Sorbona, Karlova-Praga, Roma-Tor Vergata, Toulouse e Uppsala. Desde agora, queda incluída a Universidade de Santiago de Compostela, cos efectos que este feito ten para que a nosa Universidade estea aínda máis presente en foros internacionais científicos e académicos. Os membros do Comité son elixidos de acordo co seu reputación científica e as súas achegas regulares aos congresos bienales —únicos no seu ámbito— que se celebran baixo os seus auspicios.
O profesor Longrée, da Universidade de Lieja, e a profesora Cabrillana, no momento do anuncio do nomeamento, ao final do 21º Coloquio
CODOLGA, a base de datos sobre textos latinos de Galicia, segue crecendo
O proxecto Corpus Documentale Latinum Gallaeciae (CODOLGA) acaba de publicar unha nova versión da súa base de datos, a número 18. Este proxecto está dirixido polo profesor Xosé Carracedo Fraga do Departamento de Filoloxía Clásica, Francesa e Italiana da USC, e...
As dificultades do latín en Bosnia: unha profesora de Mostar, en Filoloxía
Jelena Jurčić, do Departamento de Lingua Latina e Literatura Romana da Facultade de Humanidades e Ciencias Sociais da Universidade de Mostar (Bosnia) realizou unha estancia na Facultade de Filoloxía da USC, dentro do marco dos intercambios Erasmus de profesorado....
A Dra. Martín Velasco, no IV Congreso Internacional de Filosofía Griega
A doutora Martín Velasco participou no IV Congreso Internacional da Sociedade Ibérica de Filosofía Grega (SIFG) coa comunicación titulada O valor do discurso persuasivo nas distintas etapas da traxedia. Nel trataba por extenso como os atenienses perderon...
A profesora Cabrillana publica a Tomás Moro tradutor, con Erasmo, de Luciano de Samosata
Erasmo de Rotterdam e Tomás Moro publicaron unha versión latina de obras de Luciano, autor grego do século II d. C., orixinario de Siria e famoso pola súa agudeza. Un exemplar do volume, publicado en 1521, consérvase no fondo antigo da Biblioteca Xeral. A profesora...
Publicación de “Scripta Manent”: nuevas miradas sobre los estudios clásicos y su tradición
Acábase de publicar "Scripta Manent: novas miradas sobre os estudos clásicos e a súa tradición", editado por L. Camino Plaza, M. Giadás Quintela, E. Giunchi e I. Pedreira Sanjurjo. O volume recolle as contribucións presentadas no VIII Congreso da Asociación Ganimedes,...
Dous investigadores predoutorais do Grupo de Investigación de Estudos Clásicos e Medievais participarán no X Congreso Nacional Ganímedes
Os próximos días 9, 10 e 11 de marzo terá lugar na Facultade de Filosofía e Letras da Universidade de Granada (UGR), o Congreso Nacional Ganímedes deste ano, sendo ademais o décimo aniversario deste evento que reúne cada ano a xóvenes investigadores relacionados co...