O Grupo de Investigación “Estudos Clásicos e Medievais” da USC ( GI-1908) está formado por investigadores dedicados ao estudo dos textos gregos e latinos no Departamento de Filoloxía Clásica, Francesa e Italiana na Universidade de Santiago (nos seus campus de Santiago de Compostela e Lugo).
Desde 2015 é un Grupo de Referencia Competitiva recoñecido pola Xunta de Galicia. Esta web pretende servir de comunicación dos resultados de investigación, de espazo de presentación de actividades e de vía de relación entre investigadores.
Novas
Volume colectivo en recordo de Manuel Cecilio Díaz e Díaz
A editorial SISMEL-Edizioni del Galluzzo acaba de publicar o volume Autori, testi e manoscritti fra la penisola iberica e l’Italia: da Gregorio Magno a Gregorio VII. In ricordo di Manuel Cecilio Díaz y Díaz, que contén diversos traballos coherentes coa metodoloxía e os intereses do prof. Díaz y Díaz, que foi catedrático do Departamento de Latín e Grego da Universidade de Santiago e un dos medievalistas máis destacados de Europa. O libro é o resultado do congreso homónimo que se celebrou na Società Internazionale per lo Studio del Medioevo Latino (Florencia) en marzo de 2024.
Neste volume, José Carracedo Fraga, catedrático de Filoloxía Latina e membro do grupo CLASMED, examina a circulación de textos gramaticais entre Hispania e Italia na Alta Idade Media, empregando como estudo de caso a colección transmitida no manuscrito Paris, Bibliothèque nationale de France, lat. 7530. Este manuscrito, copiado en Montecassino a finais do século VIII, contén unha extensa colección de textos escolares sobre as artes liberais, cun enfoque principal na gramática.
Joel Varela Rodríguez, profesor titular de Filoloxía Latina e tamén membro do grupo CLASMED, publica un estudo sobre a transmisión textual hispánica dos Moralia in Iob de Gregorio Magno (ca. 540–604), unha das obras máis citadas e lidas durante a Idade Media. A análise permite comprobar que os manuscritos hispánicos conteñen unha serie de variantes das que non se tiña noticia (citas bíblicas segundo a Vetus Latina e non a Vulgata, fórmulas cristolóxicas que fóra das igrexas occidentais poderían entenderse en clave nestoriana, etc.) e que, sen dúbida, son variantes de autor e pertencen a un estadio non definitivo do texto de Gregorio Magno. Outras obras deste autor mostran variantes semellantes, o que pode abrir a vía para unha análise máis completa que permita comprender mellor a maneira na que se compuxeron e difundiron as obras gregorianas.
O enlace á publicación, que é de acceso aberto, atópase dispoñible en: https://www.sismel.it/pubblicazioni/2115-autori-testi-e-manoscritti-fra-la-penisola-iberica-e-litalia-da-gregorio-magno-a-gregorio-vii-in-ricordo-di-manuel-cecilio-daz-y-daz
Conferencia do profesor Edmondson
O vindeiro martes, 28 de outubro, ás 12h na Sala Académica da Facultade de Filoloxía terá lugar a conferencia impartida polo profesor Henry T. Edmondson III, do Xeorxia College and State University, de Milledgeville (Xeorxia, USA), sobre "Aristóteles e o lecer".
Seminario Épica flavia e interludios virgilianos
O vindeiro luns 22 de setembro de 2025 celebrarase na Facultade de Filoloxía da USC a sexta edición dos encontros internacionais de investigación organizados polo Grupo de Estudos Clásicos e Medievais (Clasmed,GI–1908). O seminario Épica flavia e interludios...
V Encuentro de Actualización Científica de ClasMed – Lunes 26 de mayo
El próximo lunes 26 de mayo se celebrará el V Encuentro de Actualización Científica del grupo de investigación ClasMed, una jornada dedicada al intercambio académico en torno a la lingüística latina y griega, en memoria de la profesora Concepción Cabrillana. La...
Novo libro sobre relixión grega antiga
O profesor Ángel Ruiz acaba de publicar na colección Temas de Historia Antigua da Editorial Síntesis un manual, Introducción a la religión griega, que pretende achegar a un público máis amplo unha realidade fundamental na Grecia do pasado e con importantes...
Dous cursos organizados por Clasmed, sobre arte clásica e bases de datos
No marco do Máster de Didáctica das Linguas Clásicas para a Educación Secundaria da USC, Clasmed organizou o curso Mitos e Imáxes, unha bomba pedagóxica. Foi impartido polo prof. Fernando Domènech, catedrático do IES María Casares, e celebrouse na Facultade de...
Terceiro Obradoiro sobre Deuses de Anatolia e os seus nomes
Do 21 ao 23 de maio terá lugar na Facultade de Filoloxía da USC (Sala de Graos) o Workshop The Gods of Anatolia and Their Names, o terceiro encontro científico dos proxectos coordinados no que se integra o proxecto da USC Os deuses de Anatolia e os seus nomes nas...