Do 21 ao 23 de maio terá lugar na Facultade de Filoloxía da USC (Sala de Graos) o Workshop The Gods of Anatolia and Their Names, o terceiro encontro científico dos proxectos coordinados no que se integra o proxecto da USC Os deuses de Anatolia e os seus nomes nas fontes hititas e luvitas do segundo milenio (PID2021-124635NB-C33). Reunirá aos principais especialistas actuais en linguas e relixións da antiga Anatolia para compartir os seus resultados de investigación máis recentes.