O vindeiro luns 22 de setembro de 2025 celebrarase na Facultade de Filoloxía da USC a sexta edición dos encontros internacionais de investigación organizados polo Grupo de Estudos Clásicos e Medievais (Clasmed,GI–1908). O seminario Épica flavia e interludios virgilianos abordará diversos aspectos da épica romana, con especial atención aos autores flávios e a Virxilio.
Intervirán Jesús Bartolomé (UPV), Stefano Briguglio (Università degli Studi di Torino), Sergio Casali (Università degli Studi di Roma “Tor Vergata”), Dulce Estefanía (USC), Antonio Río Torres-Murciano (UNAM) e Cecilia Criado (USC). As sesións celebraranse na sala de videoconferencias B13, en horario de mañá e de tarde.