18 e 19 de novembro de 2021
Santiago de Compostela
Centro Ramón Piñeiro para a Investigación en Humanidades (Salón de Actos, San Roque, 2).
O prazo de inscrición para participar como asistente (só formato presencial) está aberto ata o 12 de novembro. A actividade é de balde, e terá unha duración total de 15 horas, pero debido ás medidas sanitarias as prazas son limitadas.
IMPORTANTE: Para anotarse hai que escribir un correo a: aboucus@cirp.gal
O CODOLGA desenvólvese no marco dun convenio existente entre a Universidade de Santiago de Compostela e o Centro Ramón Piñeiro para a Investigación en Humanidades. Este corpus actualízase anualmente con documentación medieval en lingua latina relacionada con Galicia comprendida entre o século VI e o século XV, ambos inclusive, a partir das edicións dispoñibles, e tamén se incorporan fontes e estudos que fan referencia a este territorio. A infraestrutura informática na que se atopa esta documentación (http://corpus.cirp.es/codolga/) permite realizar buscas de calquera palabra ou conxunto de palabras segundo diversos criterios, o que fai deste corpus textual unha ferramenta básica para a docencia e investigación de diversa índole: lingüística, literaria, histórica, cultural ou sociolóxica.